Cette page n’a pas encore été corrigée
dans Josephe. Appian a marqué ceux qui furent veus & ouys devant les guerres civiles, comme voix espouventables, & courses estranges des chevaux qu’on ne voyoit point. Pline a descrit ceux qui furent pareillement ouys aux guerres Cymbriques, & entre autres plusieurs voix du Ciel, & l’alarme que sonnoient certaines trompettes horribles. Auparavant que les Lacedemoniens fussent vaincus en la bataille Leutrique, on ouyt dans le Temple les armes qui rendirent son d’elles-mesmes: & environ ce temps à Thebes les portes du Temple d’Hercules furent ouvertes sans qu’aucun les ouvrit, & les armes qui estoient pendues contre la muraille furent trouvées à terre, comme le deduit Ciceron, non
