Cette page n’a pas encore été corrigée
5. Et icy on recognoist l’erreur de plusieurs Autheurs touchant ces Theraphins, & premierement d’Elias Levita, qui dit qu’ils se faisoient en ceste façon; Qu’on tuoit un homme premier né, auquel on arrachoit la teste, puis on l’embaumoit ; & l’ayant mise sur une lame d’or, à laquelle on avoit escrit le nom de l’Esprit immunde qu’on invoquoit, la pendoient contre la muraille, & l’ayant environnée de lampes & flambeaux, l’adoroient : subtile invention, mais horrible ! & qui pourroit l’attribuer au peuple de Dieu ? Celle d’Aben-Esra n’est pas moins fausse, bien que moins scandaleuse ; car il dit sur le Genese, que ces Theraphins estoient certains instruments d’airain, comme quadrans solai-
