gures Talismaniques, elles estoient tellement inouyes dans nostre siecle, que mesme le nom n’en estoit pas cogneu. Or afin que tu en ayes une plus parfaite cognoissance, adjouste s’il te plaist ce qu’il s’ensuit.
En la premiere partie chapitre I, je dis que je n’avois sçeu trouver la cause pourquoy Plutarque, Strabon, Trogue, Tacite, & Diodore avoient accusé les Juifs d’avoir adoré un Cep de vigne; j’ai du depuis trouvé que que c’estoit qu’ils avoient ouy dire, & mesme veu, au moins quelques uns d’eux, que dans le Temple de Jerusalem il y avoit un Cep d’or, avec ses raisins & ses pampres contre la muraille, ainsi que le descrit Josephe : Interior porta, dit-il, tota inaurata erat, ut dixi, & circum eam auratus paries, desuper autem habebat aureos Pampinos,
