Cette page n’a pas encore été corrigée
ne faudroit-il pas l’admettre si on s’attachoit à la lettre, puis qu’on y voit des choses contraires, s’il semble, à la verité. Ainsi Caietan a remarqué qu’au deuxiesme des Roys, on lit Michol au lieu de Merob; ainsi qu’on peut voir au premier livre de la. mesme histoire : Et les Doctes ont pris garde qu’au nouveau Testament, Sainct Matthieu a esté trompé par sa memoire, ayant escrit Zacharie au lieu de Jeremie & Sainct Marc de mesme, asseurant que le texte qu’il apporte est escrit en Isaye, veu qu’il est en Malachie : & quand il escrit aussi, que Jesus-Christ fut crucifie sur les trois heures, veu qu’environ les six seulement il fut jugé par Pilate, comme le rapporte Sainct Jean. D’avantage
