qui auoit nom Frere lehan du Mont Curuin de l'ordre des Freres Meneurs, et y estoit legas enuoiez du pappe Clement (1)[1]. Cilz archeuesques fist en celle cite dessus ditte trois lieux de Freres Meneurs, et sont bien deux lieues loings ly uns de l'autre. Il en fist aussy deux autres en la cité de Racon qui est bien loings de Cambalech, le voiaige de trois mois, et est dencoste la mer. Esquelz deux lieux furent deux Freres Meneurs euesques. Ly uns eut nom Frere Andrieu de Paris, et ly autres ot nom Frere Pierre de Florense. Cilz freres lehans larceuesque conuerty la moult de gens a la foy Ihesucrist. Il est bonis de très honneste vie et agreable a Dieu et au monde et très bien auoit la grâce de lempereur. Ly empereres lui faisoit tousiours et a toute sa gent aministrer toutes leurs necessitez, et moult le amoient tous crestiens et païens. Et certes il eust tout ce pays conuerty a la foi crestienne et catholique, se ly Nestorin faulx crestiens et mecreans ne le eussent empechiet et nuist. Ly dis arceuesques ot grant paine pour ces Nestorins ramener à la obedience de nostre mère sainte Eglise de Romme. Sans laquelle obedience il disoit que ilz ne pouuoient estre sauue : et pout ceste cause ces Nestorin scismat «noient grant enuie sur lui. Cilz arceuesques comme il plot a Dieu est nouuellement trespassez de ce siècle. A son obseque et a son sepulture, vinrent tres grant multitude de gens crestiens et de païens, et desciroient ces paiens leurs robes de deuil, ainsi que leur guise est. Et ces gens crestiens et paiens pristrent en grant deuocion des draps de larceuesque et le tinrent a grant reuerence et pour relique. La fu il enseuelis
- ↑ (1) Clément V.
