Le texte de cette page a été corrigé et est conforme au fac-similé.
Mais toy nocher hachãt par le plat de ta rame
De ce bord l’environ
Couure mon chef, mes os qui pallissent sans ame,
Tournant ton auiron.
Ainsi les plys marins (quelque orage qui soufle)
Les tendres arbrisseaux,
Quelque vent, despité qui Venuse ressoufle
Te marront sur les eaux.
Iupiter te doura, pour tel bien recongnoistre
(Fortune te riant)
Et N’eptun, de la mer, le grand prince & le maistre
Vn Thresor d’Orient.
Autrement si tu n’es à ma voix secourable,
Dans la terre transy,
De tes nepueus ie pry la trouppe inexorable
Te faire tout ainsy.
De ton grand pin flottant, bien que le creux s’enuole
Me donnant ton secours