Le texte de cette page a été corrigé et est conforme au fac-similé.
À boire m’inuitez. vous ?
Que le frere aux cheueux roux,
De Megile la Deesse,
Die le feu qui au creux
De son costé genereux,
L’assaut, le tue, & l’opresse.
Mais quoy ? dire il ne le veut,
Et rien autre ne m’esmeut,
Pour me faire auec luy rendre.
D’où vient ce trait aceré
Dont tu te sens vlceré,
Tu peux nous le faire entendre.
Sus donc, descouure, & me dy
Ton mal, d’vn propos hardy
Et l’enuoye en mon oreille.
Ah ! pauure chetif amant,
Quel lahorieux tourment,
Sur toy desia se reueille.
Quelle industrie ou des Dieux,
Ou des humains curieux,
Pourra-on trouuer qui puisse,
Estre remede à ton mal ?
Le Pegasien cheual
Ne t’y peut estre propice.
