Le texte de cette page a été corrigé et est conforme au fac-similé.
Comme vn cerf fugitif
Au regard affamé
Du Loup : ainsi craintif
Tu seras, & pasmé.
Pasmé lors tu seras :
Voyant de ta fierté
L’orgueil, tu changeras
Alors ta fermeté.
Paris, tu n’auois pas,
Au souhait de tes yeux
Ouuert, (trois fois, helas)
Ses propos ennuyeux.
Allumé de courroux
Achille vn iour viendra,
Des Troyens, par ses coups
Qui ta gloire esteindra.
À sa maistresse la priant l’excuser
des iniures qu’il luy a faites.
des iniures qu’il luy a faites.
ODE XVI.
A douceur, fîlle qui surpasses
Les riches beautez, & les graces
Et de ta mere, & de Cypris
Quand feras tu taire ma muse,
Qui en te reprenant amuse
Sa voix, son vers, & ses escrits ?
I’ay eu long temps l’ame captiue
D’vne flamme de feu, si viue
Qu’elle surpassoit d’Apollon,
La collere chaude-flambante,
Ou la fureur d’vn Corybante
Tant auois ie le cœur fellon.
