Page:Henri IV - Lettres Missives - Tome2.djvu/27

velles par l’un des miens que je depescheray vers Sa Majesté ; et ce pendant je vous prieray d’aimer tousjours

Vostre entierement bon et affectionné amy,

HENRY.

^[1] Je vous prye, Mons^r de Walsingham, m’entretenir en la bonne grace de vostre Royne, et croyre que je suis

[Vostre, etc.]

De Montaulban, ce xij^e mars 1585.

[1585. — vers le 12 mars.]

Orig. autographe. — Musée britannique. Copie transmise par M. l’ambassadeur de France à Londres.

[À LA ROYNE D’ANGLETERRE.]

Madame,

Ce m’a esté un extresme contentement d’avoir par m^r de Segur et par les lettres qu’il vous a pleu m’escrire, cognu tant d’assurance de vostre bonne volonté et affection envers moy, dont je vous ressens avoir telle obligation, que vous pouvez vous asseurer, Madame, de ma perpetuelle servitude. Et ce contentement m’a esté redoublé par les nouvelles qu’il m’a rapportées du bon estat de vos affaires et mesmes de vostre santé et personne, de laquelle despend, non seulement la bonne disposition de vostre royaume, mais celle mesmes de plusieurs estats voisins, et de la pluspart des gens de bien de la chrestienté ; esperant que Dieu, qui vous a fait naistre et regner en ces

1. Ajouté de la main du roi, comme à la page 11.