Orig. — Archives de la famille de Brocas. Copie transmise par M. de Samazeuilh, correspondant du ministère de l’Instruction publique à Casteljaloux.
Cappitaine Brocas, Incontinent la presente receue, ne faictes faulte d’assembler le plus grand nombre de soldats qu’il vous sera possible, tant du lieu de Figueys que des lieux circonvoisins, d’aultant que j’en ay affaire pour chose important mon service, ainsy que j’ay commandé aux capitaines Dominges et Casting vous faire entendre de ma part, lesquels vous croirés comme moy-mesme. Vous les tiendrés prestz pour me venir trouver lorsque je vous manderay. À quoy m’asseurant que ne ferés faulte, je prieray Dieu, vous avoir, Capitaine Brocas, en sa saincte et digne garde. De Bazas, ce xvije juillet 1583.
Orig. — B. R. Fonds Béthune, Ms. 8860, fol. 26 recto.
À MON COUSIN MONSR DE MATIGNON,
Mon Cousin, Si tost que j’ay receu la vostre, j’ay advisé de vous depescher le sr de Clervant pour vous dire mon intention, et comclure avec vous de tout ce qui sera necessaire pour faire obeïr le Roy mon seigneur, et faire cognoistre à un chascun la bonne union qui est entre nous deux. Je vous prie de le croire de ce qu’il vous dira de ma part comme moy-mesme. À quoy m’asseurant, je prieray
