Page:Henri IV - Lettres Missives - Tome1.djvu/550

Le texte de cette page a été corrigé et est conforme au fac-similé.


1583. — 27 mars.

Orig. — B. R. Fonds Béthune, Ms. 8854, fol. 78 recto.


À MON COUSIN MONSR DE MATIGNON,

MARESCHAL DE FRANCE.

Mon Cousin, Le capitaine de Belsunse s’en va vous trouver pour vous pryer de ma part de pourvoyr au payement de ce qui est deu à la guarnison de Pemyrol ; ce que je vous prye bien fort de faire, et en parler à bon escient aux tresoriers qui ont la charge du dict payement. Au reste, je vous advise que J’ay commencé de faire la diette, estant desliberé de la continuer trois sepmainés, si je puys. cependant pour m’exciter à la faire avec quelque plaisir, je desireroy bien de pouvoyr recouvrer des canariz, dont je trouve le chant recreatif. On m’a dict qu’il s’en trouvoit à Bourdeaux, qui me faict vous pryer d’avoir ce soing de commander à quelques-ungs des vostres d’en rechercher pour me les envoyer incontinent. Je ne vous escrys poinct de ma main, pour ce que je suys tout confict en diette. Et pour ce, je vous prye de m’en excuser, et le Createur, mon Cousin, vous avoir en sa saincte garde. De Nerac, ce xxvije de mars 1583.

Vostre bon cousin et affectionné amy,


HENRY.



1583. — 1er avril.

Orig. — Arch. de Familie de M. le général comte Anatole de Montesquieu, pair de France, chevalier d’honneur de la Reine.


À NOSTRE CAR ET BIEN AMAT LO SEIGNOR DE GENSSAC.

Lo Rey de Navarre, comte de Bigorre.

Car et bien amat, Sus augunes causes concernentes nostre servicy, bien, repaus et soulaegement de nostres subjectz en nostre comtat de Bigorre, nous habem commandat d’assemblar las gens deus tres