Orig. — Arch. de M. le comte H. C. de Meslon. Envoi de M. le secrétaire général du département de la Gironde.
À MONSR DE MELON,
Monsr de Melon, J’envoye le capitaine Prantinhac à Saincte Bazeille, pour, en vertu de la commission que je luy ay faict despescher, arrester les bateaulx qui monteront et descendront le long de la Garonne, jusques à ce que vostre garnison et celle de Figeac, à laquelle est due cinq mois, soit entierement payée. Le sr de la Meausse m’est venu treuver tout exprés, m’ayant representé l’estat de la dicte ville, si miserable qu’on n’en doibt attendre qu’une indubitable perte, s’il n’y est pourveu. Par ainsy faictes assister le dict Prantinhac de tout ce qui sera besoing ; et je prieray sur ce le Createur, Monsr de Melon, vous avoir en sa garde. De Nerac, ce xiije jour d’aoust 1581.
Orig. — Arch. de M. le comte H. C. de Meslon. Envoi de M. le secrétaire général du département de la Gironde.
À MONSR DE MELON,
Monsr de Melon, J’ay donné passeport à Pierre Tuffeau, prescrit porteur, pour luy laisser passer un bateau chargé de bled froment, à luy appartenant. Et pour ce que je desire que le dict bateau passe sans difficulté, Je vous en ay bien voulu escrire la presente pour vous prier que, nonobstant toutes lettres et mandemens que j’en pourroys avoir faictz au contraire, vous mandez aux soldatz qui sont à Ste Ba-
