toute occasion d’aigreur contre ceux de la dicte Religion, je vous prie d’empescher, soudain la presente receue, toutes les demolitions, et traiter les dicts catholiques le plus gratieusement qu’il vous sera possible, tant en leurs personnes qu’en leurs biens. Et m’asseurant que vous desirez que toutes choses aillent bien et que ma volunté soit en cela suyvye, ne vous feray ceste ci plus longue, que pour prier Dieu, monsr de Melon, vous tenir en sa saincte garde. De Saincte Foy, ce xxve novembre 1580.
Orig. – Arch. de famille de M. le comte H. C. de Meslon. Envoi de M. le secrétaire général du département de la Gironde.
Monsr de Meslon, J’ay entendu que vous tenez prisonniers quelques pauvres gens qui estoient allez aux maneuvres de Montsegur, et entre aultres Georges Lerin, laboureur de la paroisse de Linal[1]. Et d’aultant que la cessation d’armes est publiée, vous ne fauldrez, incontinent la presente receue, de les faire metre en liberté, sans permetre qu’il leur soit faict aulcun tort ne deplaisir, ne qu’ilz paient aucune rançon pour leur dicte prinse. À quoy m’asseurant que vous ne ferez faulte, je prieray le Createur, Monsr de Meslon, qu’il vous ayt en sa garde. De Saincte Foy, ce xxvije jour de novembre 1580.
- ↑ Probablement Linas, en Quercy, département du Lot, arrondissement de Gourdon.
