voir à ce qu’elle soit accommodée de vivres, hommes et aultres choses necessaires, et s’en aller au partir d’icy à Monsegur pour donner ordre au tout. Par quoy, je vous prie, faictes tout ce qu’il vous dira pour ceste occasion, et vous y employez avec l’affection et diligence qu’est en vous : priant Dieu, Monsr de Meslon, vous avoir en sa saincte garde. Du Fleix, ce xvje de novembre 1580.
Orig. autographe. – Arch. de famille de M. le comte H. C. de Meslon. Envoi de M. le secrétaire général du département de la Gironde.
Mellon, J’ay advisé d’envoyer le cappitaine Marrac à Saincte-Bazeille. Faictes-le partir incontinent, sans amener pas un cheval et le moins de goujats qu’il pourra. Vous sçavés combien la diligence est utile en ce faict. Et à Dieu.
Orig. – Arch. de famille de M. le comte H. C. de Meslon. Envoi de M. le secrétaire général du département de la Gironde.
Monsr de Melon, Les catholiques de la ville de Monsegur m’ont faict entendre qu’on demolissoit leurs maisons qu’ilz ont en la dicte ville et m’ont supplié de faire cesser les dictes demolissions, me promettant et asseurant que, pourveu que je les face cesser, ilz se comporteront à l’advenir paisiblement et amiablement envers ceux de la Religion. Et d’autant que je desire les gratifier en cela et leur oster
