Orig. – Arch. du Royaume, sect. hist. série K, 101-9.
Monsieur mon Oncle, Je ne doubte point qu’on ne vous ayt fait beaucoup de rapports du sr de Beaupré[1] et de sa maison de St Germain, pour donner plus de couleur et de pretexte à la demolition et razement d’icelle. Mais tant s’en fault que ses ennemys ayent pris ceste occasion, que j’estime qu’ilz ne sont fondez que sur une haine et malveillance qu’ilz luy portent, specialement de ce qu’il a suivy le party de la Religion. Car, à moy-mesme, si tost que l’on a veu la paix preste à se resouldre, on a faict le semblable à mes maisons de Meilhan, Vicfaizensac[2] Auvillars[3], le Mont de Marsan, estans aprés d’en faire de mesme ez aultres que j’ay en Perigort. Dont je me plains à vous, pour vous prier de considerer combien telle animosité est insupportable, et de m’excuser si je ne puis satisfaire à vostre priere pour le regard dudict sr de Beaupré (auquel j’ay de l’obligation pour m’avoir assisté et faict service, ne me pouvant departir de luy faire en cela le plaisir que je pourray) ; et au contraire, Monsieur mon Oncle, je vous prieray m’estre favorable en la justice que je pretendz demander de telz razemens et desmolitions, craignant que pour le desespoir auquel les particuliers pourroient entrer, à cause de telles executions, il n’en advienne plus de mal qu’en laissant leurs maisons entieres, ce que chascun peult juger par soy-mesme. Je ne le dis pour vous desobeir ou desplaire, saichant le respect que je desire vous porter, mais pour l’equité et la raison, laquelle vous
- ↑ Christian de Choiseul, baron de Beaupré, fils de René de Choiseul, et de Mahaut, dame de Francières. Il mourut le 3 mai 1593, en défendant le château de Montclair pour le Roi contre la Ligue.
- ↑ Meilland et Vic-Fezensac faisaient autrefois partie de l’Armagnac. Ils se trouvent aujourd’hui dans le département du Gers.
- ↑ En Agénois ; à présent dans le département de Tarn-et-Garonne.
