Orig. – Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.
À MONSR DE SCORBIAC,
Monsr de Scorbiac, Je vous ay, puis peu de jours, escript et au Pin, mon secretaire, par un de mes laquais, de me venir trouver en ceste ville de Mazeres, ce que n’ayant faict, je vous renvoy cet aultre mien laquais avecque la presente, afin que ne fassiés faulte, incontinent que l’aurez receue, de monter à cheval pour me venir trouver en ceste dicte ville de Mazeres. Vous sçavés qu’on a besoin en ceste conference de vostre presence, tant pour adviser au faict de reglement de la justice que aultrement. L’asseurance que j’ay que n’y vouldrés faillir m’empeschera de vous en faire plus longue lettre, que pour prier Dieu vous avoir, Monsr de Scorbiac, en sa saincte garde. De Mazeres, le xxe d’apvril 1579.
HENRY.
Orig. – B. R. Fonds Béthune, Ms. 8848, fol. 75 recto.
À MON COUSIN MONSR DE DAMPVILLE,
MARESCHAL DE FRANCE.Mon Cousin, Ayant sceu que le capitaine Bachoey[1] est en peine pour s’estre battu avec quelque aultre de vostre suite, je vous ay voulu prier par ceste mienne de le vouloir supporter pour l’amour de moy, sans user en son endroict des rigueurs plus estroictes qui peuvent s’employer à l’endroict des personnes qui ne sont de tel service qu’il
- ↑ Jacob de Bachoé, seigneur d’Andrein, près Orthès.
