Page:Henri IV - Lettres Missives - Tome1.djvu/217

du s^r de Sainct-Guiraud, qui le detient injustement^[1], je vous feray encores la presente pour vous prier encores bien fort de faire cela pour l’amour de moy. Et oultre le plaisir que vous me ferés, vous ferés de plus en plus cognoistre que vous desirez l’observation de l’edict et l’establissement de la paix. Je vous en prie derechef, mon Cousin, et de croire que je desire tousjours demeurer

Vostre affectionné cousin et parfaict amy,
HENRY.

1578. — 29 mai.

Orig. – Arch. de la famille Forget de Fresne. Communication de M. le chevalier Artaud de Montor, membre de l’Académie des inscriptions et belles-lettres, allié de la famille Forget.

À MESS^RS DE PUJOLZ^[2], DE LA ROCQUE ET FORGET,

ESTANS POUR MES AFFAIRES EN COURT.

Mess^rs de Pujolz, de la Rocque et Forget, D’aultant qu’il importe grandement à mon service, au bien de mes subjectz et au public de ce pays, d’obtenir et recouvrer du Roy mon seigneur la desclaration sur les especes d’or et d’argent qui se fabricquent et se fabricqueront cy aprés en mes monnoyes du Bearn, à ce qu’elles ayent tel et semblable cours et valeur que celles qui se fabricquent és monnoyes de France, attendu qu’elles sont de mesme prix et aloy, je vous ay bien voulu escrire la presente pour vous prier de poursuivre en toute diligence l’expedition de la dicte declaration, et me l’envoyer par ce present porteur. Vous verrés les memoires que je vous envoye par luy concernant mon service sur le faict de l’admiraulté^[3], et comme

1. Voyez la lettre du 25 mars précédent.
2. Arnaud du Faur, seigneur de Pujols en Agenois, fils aîné de Pierre du Faur et de Gaufide Douce, gentilhomme de la chambre du roi de Navarre, gouverneur de Montpellier sous le roi Henri IV, et son ambassadeur en Angleterre, était frère des chanceliers Pibrac et Glattens.
3. Le roi de Navarre était, comme nous l’avons dit, amiral de Guienne.