Cop. – B. R. Fonds Leydet. Mem. mss. sur Geoffroy de Vivans, p. 74.
Monsr de Vivans, Estant icy les sieurs mareschal de Biron, de Foix, conseiller Molé[1] et le Lieur[2], maistre des comptes, pour l’execution de l’edict, et pour pourveoir aux contraventions d’icelluy, j’ay fait grande instance de plaincte de l’entreprise qui a esté faicte sur la ville de Perigueux ; et a esté advisé qu’il en seroit donné ordre. Jamais je n’ay ouï de plus belles paroles, auxquelles les effects que nous voyons sont tout contraires. Ce qui me faict vous prier de regarder de plus en plus à la conservation de vostre dicte ville. Par mesme moyen, je feray ordonner pour le payement de vostre garnison et vous bailler assignation, qui sera ordonnée, sans que desormais vous ayez la peine de courir tous les jours après ledict payement. Comme en toutes choses qui concernent le service de ladicte ville, je n’obmectray aucune chose qui soit de mon pouvoir : sur ce, priant Dieu, etc.
De Nerac, le xvje may 1578.
Orig. — B. R. Fonds Béthune, MS. 8827, fol. 26 recto.
Mon Cousin, Encores que je vous aye escript par cy-devant pour Guerin, en ma judicature de Creissel, afin de le faire sortir des mains
- ↑ Nicolas Molé, seigneur de Jusanvigni-des-Hayes et de Vitry-sur-Seine, conseiller du Roi et de la reine sa mère, intendant général des finances, fils de Nicolas Molé, conseiller au parlement, et de Jeanne Hennequin. Il mourut le 6 décembre 1586, à l’âge de cinquante ans.
- ↑ Jean le Lieur, maître des comptes, seigneur de Marchais, fils de Jacques le Lieur, seigneur du Chesnay, correcteur des comptes, et de Jeanne de Thou, était beau-frère du célèbre historien de Thou.
