LA PECHE DES BICHIQUES
Bourbon ein bon payés quand même.
Oui, l'est bon comm' batate en crème.
Ça qu'plis pauv' n'a pas pèr la faim,
Li n'en a Bengal' dans n'son main ;
La fraid l'est pour li badinaze
Qui sacoué li pour faire l'ouvraze.
Quand qu'moi dit qu'Bourbon l'est vanté,
Guêtt' si n'a pas la vérité ?
Bon Dié mêm' donn' bon vivr' bien saine
Sans qu'n'en a besoin prend la peine ;
Nourritir' là, nous criol' nous connais…
Dire ein pé si pour nous n'a pas envoye exprès,
Ein' fois qu'moi n'aura nomm' biçique
N'a pas besoin qu'ein quéquein' y siplique,
Biçique çà cadeau di bon Dié
Pour nous souque, empare et çarrié.
Quand qu'nouvell' lun' la cacièt' son figuire
Ça pitit poisson là rentr' dans çaque emboucire.
Biçique y monte!!!…Quand qu'nouvell' la fané,
Tout li criol' z'aut' y dépêc' branné ;
Çaquein y d'send ensemb' son vouve ;
Çaquein y prend tout ça qui trouve ;
Li nigress' apport' z'aut' zipon
Pour fait barraz' pitit poisson.
Quand qu'l'arriv' la Rivièr, c'est là qu'n'en a tapaze,
C'est là qu'çaquein brouill' dans n'l'ouvraze,
Qu'z'aut' y sipit' pour bien placer,
Et pour z'aut' rigol' bien tracer.
Çi zour là n'a point camarade,
Li poings y roule, n'en a croçade ;
Et bataill' y' gomente entre çaq' travaillèr