Eutru Keah,
Douget dré er garanté en devoé aveid oh, en Eutru Guillôme, marw, allas ! rai abred, a genigas t’oh é livr kaer hanwet Livr el Labourer, a hras mollein ér blai 1849. — El livrig-men e zeli éwé bout lakeit édan goarnation hou hanw. Me mès eid er henig t’oh er memb réson èl en Eutru Guillôme, ha mar a réson aral : Badéet omb bet ér memb ilis ; doh trous er memb mor é kouskebemb én oed a groedur ; kenteh èl m’hun nès gellet kerhet, hur mameu hur hassé dré en dorn d’er memb ilis… A houdé tregont vlai zou, hui e hues diskoeit aveid on ur garanté ne ankoéhein birwikin…
Penaus enta ne larehen d’oh èl en Eutru Guillôme :
« Ha té, barz a mem bro, dén fur ha gouziek,
Joubioux, ken douget aveid er Brehonek,
Te lénou me livrig, d’id é tan d’er heni,
Avel d’er haretan, ha d’er guellan ami. »
Reit, m’hou ped, Eutru keah, un degemer karantéus d’el livrig-men, é péhani ne glaskan meit rein d’er vugalé breton en tu de ziskein, hemb poén, er gallek hag ou lakat ér stad de gomparajein deu lavar hur brou, er brehonek hag er gallek. Get me livrig int a hellou, ma m’hum farian, hemb ankoéhat er brehonek. diskein er gallek, predeg a zisker hag a gonzer é kement brou zou.
Kredet mé, Eutru keah, eit birwikin,
hou servitour karantéus,
Al. GUYOT-JOMARD.
