XIII. — RÉCOLTE DES FRUITS ; LE CIDRE.
Touchand neoah é houiv hag é koeh ol er bleu,
É krog hag é vrasa er freh ar er bareu,
Plegein é hrant émber é dan ou beh ponner,
En heol én ur griwat, ou liw ged é duemder.
Peb unan e dosta ; lod, a ziar en doar,
Ou dibab ged en dorn, réral e heij er bar.
Ne hùéler é peb leh nameid en avaleu,
Lein é rah er sehier, lein é rah er resteu,
Peb unan ar é skoé e sam ur beh ponner,
Er har bras zou karget é pad mé hel kemer,
Er piar ejon é vourd, er marh bras é zihueb,
En ahel hoarn ean memb e darh édan er beh.
Deja me gleu er mel é skoein ar en aval,
Eid slerdein er masad er hoaskel é krial,
Me huél avel ur hoeh, a ziar er varlen,
Chistr douzoh eid er mél é ridek a boulen,
Er barikeu lein brog, lein brog ol en toneu,
Ha touchand ar en dol karget er chopineu.
Ol en dud zou joéius, ou boeh é ibuéla
Hag er ré hanter-vut ind memb e gragela :
« Ivet, o mem broiz, torel ol hou séhed,
« Ankoeheit un herrad hou labourieu kalet ;
« Neoah ehuéheit mat, é kreiz hou leuéné,
« Ha ne hret ket abuz a zonezoneu Doué.
« Bout zou mol de beb tra. Peb unan e zeli
« Bout régletén ivaj ma ne ven ket fari. *
Aveid el labourieu ker kalet ag en ban
Gouarnet én ul leh kloar hou s-ivaj en huekan,
Gouarnet eid en dé kaer, en dé a leuéné,
Me tei doh diméein lod a hou pugalé.
XIV. — LE BÉTAIL.
Ma ne venet hou pout loned dister ha skan
Ne vaget boa b, beb plai, meid el laieu guélan,
Ha ma n’em hredet ket, cheleuet un histoer
Degoehet, èn ur bro, ged ur haih labourer :
