Se li clerc mesfunt rien, leisseiz le Deu vengier :
Il sunt vostre prelat ; n’es aveiz à jugier.
Et tant repoent il oriblement pechchier,
Ke les ordres perdrunt ; n’es poez plus charger.
S’à mesfait sunt puis pris, porrez les justisier,
Ç’otria sainz Tomas, sans decré et sans lei,
Pur le Rei refrener et d’ire et de desrei.
Mès nuls des sainz ne l’vuelt, ne jo pus ne l’otrei ;
Coment évesques puise à clerc toliï ne vei
Le sacrement qu’il ad del celestien rei.
Par la priere Elye fist Deus pluie chaïr,
Sur terre qui deveit par suffreite perir,
Kar quarante dous meis n’en pout goute sentir,
Mès que tant ne sust puis li prophètes flecchir
K’il péuet cele pluie de la terre partir.
Mult poez bien véeir ; mau conseil out li Reis.
Il ne deit faire à clerc, n’à iglise defeis,
Ne tolir rien de lur, mès mettre i pot acceis ;
De l’iglise prent-il la corone et les leis ;
Mès Deus la ment, ki est uns et persones treis.
Bien est apparisaunt, seint Tomas aveit dreit,
Ke pur les clercs suspris einsi se conbateit.
Pur amur Deu le fist, si cum faire deveit.
Deus lui ad ben rendu, ki nullui ne deceit.
Desdire ne l’poet nuls, car tuit li munt le veit,
Tuz le munz curt à lui, et évesque et abbé.
Et gentil et vilain, li prince et li chasé,
Et nuls n’es en sumunt ; ainz vienent de lur gré :
Muîlt se haste d’aler cil ki n’i ad esté.
Nis li petit enfaunz i sunt à berz portés.
Page:Guernes de Pont-Sainte-Maxence - La Vie de Saint Thomas le martyr, Celestin Hippeau, 1859.djvu/63
Cette page n’a pas encore été corrigée
3
LE MARTYR.
