Cette page a été validée par deux contributeurs.
LA VIE DE SAINT THOMAS
LE MARTYR
Préambule de l’auteur. — Détails sur la composition de son poëme.
uit li fisicien ne sunt adès boen mire ;
Tuit clerc ne sèvent pas ben chanter, ne ben lire ;
Asquans des Truvéurs faillent tost à ben dire ;
Teus choisist le nualz, ki le meuz quide eslire ;
Et teus quide estre meudre, des autres est le pire.
Se nuls vuolt contruver et tretier et escrire,
De ben dire se paint, ke nule n’en puisse rire,
Ne par acune ren s’ouvraigne desconfire,
Mette le sens avant et li mauls seit à dire ;
Del ben amende l’un, et nuls hom n’en enpire.
