il court, revient, brise verroulx et saulte dedans la salle. Moy, m'cslevant tout doulcement a la fenestre (et le iour commençoit à poindre), i'ay veu le prince iettant les yeulx tout au tour, escoutant avecques soing, criant; mais au chasteanl il n'y a plus ame vivante. Apres comme tout fors de soy saulte en bas on sont ses palefroys a lcurs cresches attachez, part au galop vers les remparts ou faict un temps d'arrest, escoutant d'ou venoit le bruict des armes et feu des canons, et comme un esclair vole bride abattue à travers cour, pont, poterne du costé de la capitale. Moy, ie regardoy lousiours a la fenestre, attendant avecques grande impatience la fin: et tout s'apaisa, et vers le lever du soleil tout s'éteignit.
«Adoncques Litavor resvient Rymvid suivant: ayant descendu de la selle Graiina defaillante sur leurs bras icelle portoient. Horrible a penser! par ou passent un rieu de sang marque la trace. Transpercee au sein d'un coulp mortel, devant luy muette elle tombe, tantost d'iceluy les genoulx embrassant, tantost tordant et tendant vers luy mains glacees: «O mon espoux, pardonne; c'est de moi premiere et derniere infeauté.»
