entendre de clergie. Car sanz li ne peut[1] nus apren-[F° 27 b]dre, que gramaires si est fondemens et commencemens[2] de clergie.
Ce est la porte de science[3], par quoi[4] l’en vient a sapience de clergie. Ce est cele[5] qui ensaingne a fourmer parole, soit en latin ou en roumanz ou en touz autres langages parlans[6]. Et qui bien savroit[7] toute gramaire, il savroit fere[8] et dire toute parole. Et par parole fist Diex le monde. Car parole est au monde sentence.
[F° 27 c] La seconde art[10] si est logique, qui est appellée[11] dyalectique. Ceste si preuve faus et voir, et preuve par quoi l’en cognoist et bien et mal[12]. Et qui[13] savroit toute logique, il prouveroit et bien et mal sanz doutance[14]. Car par bien fu criez et fez[15] paradis, et [F° 27 d] par mal fu establiz enfer.
La tierce art a non retorique[17], qui est et droiture et raison et ordenance de parole, que ele ne soit pour fole tenue. Car li droit[18], par quoi li jugement sont fet[19], et qui, par raison et par droit, sont esgardé[20] en [F° 28 a] court de roi[21] et de baron, viennent de rectorique.
De cest[22] art furent decretales estraites, et lois et decrez qui ont mestier [23] en toutes causes et en touz droiz.
Qui bien savroit rectorique, il connoitroit[24] et tort et droit. Par fere[25] tort est li hons perduz et dampnez, et par fere[26] droit est sauvez et a l’amour de Dieu[27].
[F° 28 b] La quarte art si a non arismetique.
Ceste art si vient après rectorique, et est mise en mi les ·vii· arz. Car sanz li ne peut[29] estre nulle des ·vii· arz assise parfaitement ne bien seüe entierement, devant que l’en sache ceste[30] art. Car toutes i prenent[31] [F° 28 c] garde ne ne pueent estre sanz lui[32]. Et pour ce fu ele mise en[33] milieu des ·vii· arz, et illuec tient son nombre. Et de li viennent tuit li nombre[34] par quoi[35] toutes choses queurent et vont et viennent. Car nulle riens n’est sanz nombre. Mais poi voit comment ce puet estre qui n’a
- ↑ — B : puet.
- ↑ — B : fondemenz et commencemenz.
- ↑ — A : des creance.
- ↑ — B : quoy.
- ↑ — B : celle.
- ↑ — B : parlanz.
- ↑ — A : savroitt.
- ↑ — B : et faire.
- ↑ — B : Ci est li arz de logique (« après » manque).
- ↑ — B : Li seconz arz.
- ↑ — B : apelée.
- ↑ — B : de « et preuve » jusqu’à « et mal » manque.
- ↑ — B : Et qui bien.
- ↑ — B : doute.
- ↑ — B : faiz.
- ↑ — B : Ci est rectorique.
- ↑ — B : rectorique.
- ↑ — B : les droiz.
- ↑ — B : les jugemenz sont faiz.
- ↑ — B : par droit et par raison sont esgardez.
- ↑ — B : roy.
- ↑ — B : ceste.
- ↑ — B : mestiers.
- ↑ — B : connoistroit.
- ↑ — B : faire.
- ↑ — B : faire.
- ↑ — B : Dieu entierement.
- ↑ — B : Ci.
- ↑ — B : puet.
- ↑ — B : cest.
- ↑ — B : prennent.
- ↑ — B : li.
- ↑ — B : el.
- ↑ — B : de « et de li » jusqu’à « nombre » manque.
- ↑ — A : « quoi » manque.
