Et a Paris a une maniere de clers qui ont tel coustume que il veullent[1] avoir le renon d’estre maistres clamez pour euls prisier et aloser. Si ont plus chier a pou savoir, et que il aient le non de maistre, que il ne feroient a estre bon clers sainz[2] avoir le [F° 21 a] non de maistre[3]. Mais il sont clamez maistres a tort. Car vanitez les maistrie si, qu’il sevent pou de verité. Car tantost comme il ont le non de maistre, si laissent la clergie, et se prennent a gaaignier, autresi comme font[4] marcheanz ou courratiers.
Et ainsi ont[5] maint au siecle le non de maistre qui pou sevent de raison et de bien. Car cil qui orendroit couvoitent[6] ce, ne sont pas maistre[7] selonc droit. [F° 21 b]. Car cil s’ordenerent autrement aus arz[8], qui premierement les trouverent. Il entrerent premierement en gramaire pour atraire raison en leur ordrenance[9] ; et puis logique, pour prouver et pour demoustrer le faus et le voir. Après trouverent retorique pour droiture que moult amerent. Et puis trouverent arismetique[10] pour estre es[11] choses plus aperz. Puis trouverent geometrie, pour toute maistrie mesu-[F° 21 c] rer[12] et compasser. Et puis trouverent la science de musique pour metre concordance en toutes choses ; après i mistrent l’entendement d’astrenomie[13]. Car par lui furent il esmeü[14] d’avoir vertu et science.
Tout en tele maniere ordenerent les ·vii· arz cil qui premierement les controuverent. Et sont ainsi entrelacées[15] que eles ne peuent[16] estre aprises l’une sans[17] l’autre entierement, ne parfaitement savoir [F° 21 d] les premiers sans[18] les darreniers, ne les darreniers sans[19] les premiers. Qui une en veult a droit entendre, il li couvient aprendre de toutes, ou autrement n’en puet[20] l’en savoir ne faus ne voir apertement[* 1]. Car l’une est a l’autre si commune, qu’il couvient de chascune savoir.
Mès[21] l’en ne quiert orendroit que tant aprendre que l’en en puisse[22] deniers avoir. Et font a blasmer de ce dont cil font a lo-[F° 22 a]er qui
- ↑ — B : voulent.
- ↑ — B : sanz.
- ↑ — B : maistrie.
- ↑ — B : font autres...
- ↑ — B : en ont.
- ↑ — B : couveitent.
- ↑ — B : maistres.
- ↑ — B : as ars.
- ↑ — B : ordenance.
- ↑ — B : arimetique.
- ↑ — B : as.
- ↑ — B : mesure.
- ↑ — B : astronomie.
- ↑ — B : esmeüz.
- ↑ — B, N : entrelaciées.
- ↑ — B : pueent ; N : povent.
- ↑ — B, N : sanz.
- ↑ — B : sanz.
- ↑ — B : sanz.
- ↑ — B : ne puet.
- ↑ — B : mais.
- ↑ — B : que il en puissent.
- ↑ * « Et sont... apertement » : l’accord des pronoms et des adjectifs est le même dans
tous les mss. en prose. La version en vers ne differe pas non plus.
Sloan 2435, f° 84 d :
Et sunt ensi entrelaissies
qu’il ne puent estre sorpies
l’une sens l’autre entirement
ne savoir si parfetement
les premerains sens les darrains
ne celes sans les premerains.
Qui l’une en violt a droit entendre
de toutes li covient aprendre.
Autrement ne puet on...La même leçon se retrouve dans tous les mss. en vers de la première rédaction (cf. Fant o. c. p. 60, sq.).
