Se li premiers hons [F° 129 b] que Diex feist onques, ce fu Adam, i fust touz jourz alez dès lors qu’i[1] fu premierement[2] faiz et[3] criez, et fust alez ·xxv·[4] milles chascun jour, ne fust il pas enquores la ; ainz eüst enquores a aler par ·vii·C· et ·xiii·[5] anz, dès lors qu’[6] Adans li premiers hons fu faiz, quant premierement fu parfaiz cis livres : Ce fu a l’Aparition [7], en l’an ·m·cc·xlv·[8] anz. Itant i meïst a aler dès lors ainz qu’[9] il fust jusques la[a].
Ou se il avoit la une grant pierre qui ·c· anz a cheoir [F° 129 c] meïst, il couvendroit qu’ele feïst dedenz chascunne heure de jour[10], dont il y a ·xxiiii· el jour, ·lx· milles et ·xiiii· et une demie[11], ainçois qu’ele venist a terre [b]. Ce prouva qui ce[12] livre fist, ainçois que le[13] meïst[14] avant. C’est bien autant ·xl· foiz comme ·i· cheval[15] porroit aler qui touz jourz iroit sanz arrester soi. Ore qui veult si puet entendre, s’une pierre porroit descendre [16] en une heure autant comme il pose. Car meilleur glose n’i sai faire.
- ↑ — B : lors que il... ; « qu’i » cf. note p. 60.
- ↑ — A : priemierement.
- ↑ — B : « faiz et » manque.
- ↑ — A, B, C, N : 20 ; Arundel : 25 ; Sloan : 25.
- ↑ — A, B, N : 713 ; C : 714 ; Arundel : 723 ; Sloan : 712.
- ↑ — B : que.
- ↑ — B : Aparution.
- ↑ — B : mil deux cens quarante et six.
- ↑ — B : que.
- ↑ — B : chascune heure el jour.
- ↑ — A. R, B, C : 40 milles ; N, Arundel, Sloan : 60 milles. — A, R, B, N : 13 : Sloan : 14 ; Arundel : 23. Le nombre entier est donc : A, B, C : 53 1⁄2 ; N : 73 1⁄2 ; S : 73 ; Sloan : 74 1⁄2 ; Arundel : 83 1⁄2.
- ↑ — B : cest.
- ↑ — B : que il le...
- ↑ — A : venist.
- ↑ — B : chevals.
- ↑ — B : « descendre » manque.
[F° 129 d] Des estoiles vous dirai le nombre si comme Tholomeus les nombra en son Almageste. Il les nomma toutes et dist qu’il en y avoit ·m· et ·xxii·, toutes cleres et toutes voianz, sanz les ·vii· planetes. Conter les pouez sanz perill. En[1] trestout n’en a que ·m· et ·xxix· que l’en puisse[2] vëoir[b]. Bien en i puet avoir[3] pluseurs autres. Mais plus n’en i puet l’en[4] choisir clerement ne apertement connoistre. Si i gart qui garder y voudra. Car nus n’en [F° 130 a] y puet[5] plus trouver. Mais nus hons nes porroit conter, tant seüst monter en haut lieu, fors que par ·i· gentill estrument moult soustill que Tholomeus trouva ; par quoi l’en les connoist et conte, et ou chascune siet, et combien il a de l’une[6] a l’autre, soit l’une de l’autre près ou loing, et des ymages connoissances[7] qui par leur samblances les forment[8]. Car ces estoiles qui sont nommées, si sont toutes figurées el ciel,