Si i ra bues qui ront[1] les piez touz reonz. Et ont en[2] milieu du front ·iii· cornes[a].
Si i ra une autre beste de moult biau cors qui est apelée monotheros[3], qui a cors de cheval et piez d’olifant[4], teste de cerf et voiz clere et haute, [F° 54 b] et grant keue, autele comme truies[5] les ont. Et a une corne en mi le front qui a ·iiii· piez de longueur[6], droite et ague autresi comme ·i· espié, et tranchant[7] comme raseoir. Et quanqu’ele ataint par devant, deront tout et tranche[8] par mi[b].
Et vous di par verité que, se est[9] prise par nul enging, si se laisse mourir[10] par desdaing[c].
Mais ele ne peut[11] estre prise[12], fors que par une pucele virge que l’en li met en son devant par la[13] ou ele doit passer, qui [F° 54 c] soit bien et cointement parée. Lors s’en vient la beste vers la pucele moult simplement, si[14] s’endort en son gyron. Et lors la prent l’en en dormant[d].
En Ynde ra unes autres bestes granz et fieres qui ont couleur ynde, et ont cleres taches parmi le cors. Si sont si forz[15] et si males que nus nes[16] ose aprochier[17]. Et les apele l’en en cest pays tygres[e]. Et courent de si grant[18] randon que, quant li veneeur[19] i vont pour prendre [F° 54 d] autres bestes qui i sont, il n’eschaperoient jamais[20] de illuec, se il ne getoient par la voie, la ou il vont, mireoirs[21] de voirre. Et quant il voient leur ymages, si cuident que ce soient leur faons. Si vont tout entour, et tant, qu’il brisent les mireoirs[22] as piez, tant vont entour. Lors ne truevent riens illec[23]. Et ainsi s’en eschapent ceuls[24] qui la sont. Et aucunes[25] foiz est avenu de ces bestes que eles pensent tant a [F° 55 a] leur figures remirer, et en sont aucunes foiz si esprises que l’en les porroit bien prendre toutes vives[f].
Si i ra enquore[26] unes[27] autres bestes que l’en apele castoires ; si ont tele nature en eles[28] que, quant l’en les chace pour prendre, si se chastrent as
- ↑ — B : on.
- ↑ — B : el.
- ↑ — A et B : monotheros ; C : monothoros.
- ↑ — B : d’olyfant.
- ↑ — B : truie.
- ↑ — B : longuer.
- ↑ — B : trenchant.
- ↑ — B : trenche.
- ↑ — B : s’ele est...
- ↑ — B : morir.
- ↑ — B : puet ; C : puest.
- ↑ — B : « prise » manque.
- ↑ — B : « la » manque.
- ↑ — B : et si...
- ↑ — B : fors.
- ↑ — A : ne...
- ↑ — B : aprouchier.
- ↑ — B : si très grant.
- ↑ — B : veneour.
- ↑ — B : jamès.
- ↑ — B : miroers.
- ↑ — B : et tant i vont qui brisent les miroers.
- ↑ — B : illuec.
- ↑ — B : cil.
- ↑ — B : aucune.
- ↑ — B : encore.
- ↑ — B : « unes » manque.
- ↑ — B : si ont en eles teles natures.
- ↑ « Si i ra bues... cornes. » Solin 52 ; Honorius Aug. I. 13.
- ↑ « Si i ra une autre beste... tranche par mi. » Isidore, Etym. XII. 2. 12 ; Solin 52 ; Honorius Aug. I. 13 ; Neckam II. 103. 104 ; Jacques de Vitry, Hist. Hieros. 88.
- ↑ « Et vous di... desdaing. » Isidore, Etym. XII. 2. 12 ; Solin 52 ; Neckam II. 103. 104 ; Jacques de Vitry, Hist. Hieros. 88.
- ↑ « Mais ele... dormant. » Isidore, Etym. XII. 2. 12 ; Neckam II. 103. 104 ; Jacques de Vitry, Hist. Hieros. 88.
- ↑ « En Ynde ra... tygres. » Solin 17 ; Isidore, Etym. XII. 2. 7 ; Jacques de Vitry, Hist. Hieros. 88, 86 ; Neckam, De Laud. IX.
- ↑ « Et courent... toutes vives. » Jacques de Vitry, Hist. Hieros. 88. 86 ; Neckam, De Laud. IX.