fuiant s’en est alez. — Se il s’enfuit, n’en doit estre blasmez ; — De IIII. espiez est en son cors navrez ; — Devers Espaigne, ce m’est vis, est tornez. — Au roi Marsille a toz ses fez contez. ═ Li reis Marsille s’en est moult merveilliez ; — Sa lance est frainte et ses escuz perciez, — Ensor la bocle li est tot despiciez ; — Frainz est ses yaumes et ses escuz perciez, — Et ses aubers desroz et desmailliez, — E il maïsmes de IIII. espiez plaiez. — Il vient dou chan où li chaples es griez. — Astivemant li est cheüz as piez : — « Bons rois d’Espaigne, vistemant chivauchiez, — La gent de France troveroiz à meschiez. — La nostre gent i sont tuit martiriez, — Pardu i on man chevalier prisiez. — Li rem[an]anz est bien afebloiez ; — Bon sont à vaincre, se vos le commanciés ; — Car les plus forz troveroiz esmaiez. » — Marsile l’ot, toz en fu corrociez ; — Dont fut Mahoms reclamez et huchiez. — A fort chivauchent les larriz et les biez. — Et nos François furent droit sor lor piez ; — A voiz escrient : « Sire Rollans, voiez. — Li XII. per, car nos venez aidier. » — Li Arcevesques parla come afaitiez : — « Li home Dieu : or ne vos esmaiez, — Sainz Paradis vos est aparoilliez ; — Diex vos metra corones en vos chiez ! » — François en ont lor cuers antendroiez. — L’uns plore l’autre par moult grant amistiez ; — Par cherité se sont entrebaisiez ; — Torpins de Rains fu moult bien enseigniez : — De Dieu les seigne, qui fu crucifiez. — Rollans a dit : « Barons, ne nos targiez ; — Li rois Marsille chivauche, toz rangiez. » (Ff. 8 v° — 9 v°.) ═ Quoi qu’il en soit du texte de nos Refazimenti, il y a là une lacune à combler dans le texte primitif. Nous avons essayé de la combler, en prenant pour base le manuscrit IV de Venise, sans négliger le manuscrit VII, ni même le texte de Paris. Nous proposons la rédaction suivante, qui, comme toutes nos additions, ne peut être qu’une hypothèse sans rigueur absolument scientifique, mais dont les éléments sont empruntés à tout ce que les autres manuscrits renferment de plus antique et de meilleur...
Li quens Rollanz s’est forment desmentet
E Oliviers e tuit li duze per ;
E li Franceis caplent par grant fiertet.
Sarrazins unt à martirie liverez.
De cent milliers n’en est uns escapez
Fors Margariz : fuianz s’en est alez.
Se il s’en fuit, ne fut mie à blasmer,
Kar est-il ore de .iiii. espiez nafrez.
Sis branz d’acier est tut ensanglantez
E sis osbercs rumpuz e desmailez.
De vers Espaigne si s’est acheminet ;
Al rei Marsilie ad tuz les faiz cuntez. Aoi.
