« Asez creües e enlinées dames. »
As bainz ad Ais mult sunt grant les cumpaignes :
3985Là baptizerent la reïne d’Espaigne,
Truvet li unt le num de Juliane.
Chrestiene est par veire conuisance… Aoi.
FIN DE LA CHANSON
Quant l’Emperere ad faite sa justice
E esclargiée est la sue granz ire,
3990En Bramimunde ad chrestientet mise.
Passet li jurz, la nuiz est aserie,
Culchet s’est li Reis en sa cambre voltice.
Seinz Gabriel de part Deu li vint dire :
« Carle, semun les oz de tun empire,
3995« Par force iras en la tere de Bire,
« Rei Vivien si succurras en Imphe,
« A la citet que païen unt asise.
« Li chrestien te recleiment e crient. »
Li Emperere n’i volsist aler mie :
4000« Deus ! dist li Reis, si penuse est ma vie ! »
Pluret des oilz, sa barbe blanche tiret… Aoi.
Ci falt la Geste que Turoldus declinet.
