Page:Gautier - La Chanson de Roland - 1.djvu/426

Le texte de cette page a été corrigé et est conforme au fac-similé.
206
LA CHANSON DE ROLAND


CLXXXVII


2555Apres icelle li vient altre avisiun :
Qu’il ert en France ad Ais, ad un perrun,
En dous chaeines si teneit un brohun ;
Devers Ardene veeit venir .xxx. urs,
Cascuns parolet altresi cume hum.
2560Diseient li : « Sire, rendez le nus !
« Il nen est dreiz que il seit mais od vus ;
« Nostre parent devum estre à sucurs. »
De son paleis uns bels veltres acurt,
Entre les altres asaillit le greignur
2565Sur l’erbe verte, ultre ses cumpaignuns.
Là vit li Reis si merveillus estur ;
Mais ço ne set li quels veint ne quels nun...
Li Angles Deu ço ad mustret à l’ barun.
Carles se dort tresqu’ à l’ demain à l’ cler jur. Aoi.


CLXXXVIII


2570Li reis Marsilies s’en fuit en Sarraguce,
Suz un olive est descenduz en l’umbre ;
S’espée rent e sun helme e sa brunie,
Sur la verte erbe mult laidement se culchet ;
La destre main ad perdue trestute,
2575De l’ sanc qu’en ist se pasmet e anguiset.
Dedevant lui sa muiller Bramimunde
Pluret e criet, mult forment se doluset,
Ensembl’od li plus de .xx. mil humes
Ki maldient Carlun e France dulce.
2580Ad Apolin en curent en une crute,
Tencent à lui, laidement le despersunent :