« Lui e altrui travaillent e cunfundent. »
Guenes respunt : « Jo ne sai veirs nul hume
« Ne mais Rollanz k’ uncore en avrat hunte.
« Hier main sedeit. l’ Emperere suz l’umbre ;
« Vint i sis niés, ont vestue sa brunie,
» E ont predet dejuste Carcasunie.
« En sa main tint une vermeille punie :
« Tenez, bels sire, » dist Rollanz à sun uncle,
« De trestuz reis vus présent les curunes. »
« Li soens orgoilz le devreit bien cunfundre,
« Kar cascun jur à mort il s’abandonet :
« Seit ki l’ ociet, tute pais pois avrumes. »Aoi.
XXXII
Dist Blancandrins : « Mult est pesmes Rollanz,
« Ki tute gent voelt faire recreant
« E tutes teres met en calengement.
« E par quel gent quidet-il espleitier tant ? »
Guenes respunt : « Par la franceise gent ;
« Il l’aiment tant ne li faldrunt nient ;
« Or e argent lur met tant en présent,
« Muls e destriers’, palies e guarnemenz !
« Li Emperere ad tut à sun talent.-
« Tut cunquerrat d’ici qu’en Orient. »Aoi.
884. Brunie. La branie, dans notre poème, est absolument le même vêtement que le haubert. = La broigne était, à l’origine.une tuniquéde peau ou d’étoile de plusieurs doubles, sur laquelle on cousait des plaques métalliques, des bandes de fer ou des anneaux. C’est ce dont la figure cicontre pourra donner une idée. = Quand la -tunique de peau ou d’étoffe, est recouverte de mailles de fer entrelacées, c’est le haubert. Voir G. Demay, le Costume. de guerre et d’apparat au moyen âge, 1878, p. 131.= Le scean
