Quant le dut prendre, si li caït à tere.
Dient Franceis : " Deus ! que purrat ço estre ?
« De cest message nus aviendrat grant perte.
« — Seignurs. » dist Guenes, « vus en orrez nuveles. »Aoi.
XXVIII
" Sire, » dist Guenes, " dunez mei le cungiet ;
ce Quant aler dei, n’i ai plus que targier. »
Ço dist li Reis : ce A l’ Jhesu et à l’ mien ! »
De sa main destre l’ad asolt e seigniet ;
Pois, li livrat le bastun et le brief.Aoi.
XXIX
Guenes li quens s’en vait à sun ostel,
De guarnemenz se prent à cunreer,
De ses meillurs que il pout recuvrer :
Esperuns d’or ad en ses piez fermez,
Ceinte Murgleis s’espée à sun costet,
En Tachebrun sun destrier est muntez :
L’estreu li tint sis uncles Guinemers.
Là veïssiez tanz chevaliers plurer,
Ki tuit li dient : " Tant mare fustes, ber !
" En curt à Rei mult i avez estet,
" Noble vassal vus i solt hum clamer.
« Ki ço jugat que doüssiez aler,
" Par Carlemagne n’iert guariz ne tensez.
ce Li quens Rollanz ne F se doüst penser,
" Que estraiz estes de mult grant parentet. »
Enprès li dient : ce. Sire, kar nus menez. »
Ço respunt Guenes : « Ne placet damne Deu !
" Mielz est suls moerge que tant bon bacheler.
ce En dulce France, seignurs, vus en irez :
" De meie part ma muillier saluez,