« Ensurquetut si ai jo vostre soer.
« Si’n ai un filz, ja plus bels n’en estoet :
« C’est Baldewins, se vit, ki ert prozdoem.
« A lui lais-jo mes honurs e mes fieus.
« Guardez le bien, ja ne l’ verrai des oilz. »
Caries respunt : « Trop avez tendre coer.
« Pois que F cumant, aler vus en estoet. »Aoi.
XXIII
E li quens Guenes en fut mult anguisables :
De sun col getet ses grandes pels de martre
E est remés en sun blialt de palie.
Vairs ont les oilz e mult fier le visage,
Gent ont le cors e les costez ont larges ;
Tant par fut bels, tuit si per l’en esguardent.
Dist à Rollant : « Tut fols, pur quei t’esrages ?
« Ço set hum bien que jo sui tis parastre ;
« Si as jugiet qu’à Marsiliun alge.
« Se Deus ço dunget que de là jo repaire,
« Jo t’en muvrai si grant doel e cuntraire
« Ki durerat à trestut tun edage. »
Respunt Rollanz. « Orgoill oi e folage.
« Ço set hum bien, n’ai cure de manace ;
« Mais saives hum il deit faire message s.,
« Se li Reis voelt, prez sui pur vus le face.»Aoi.
XXIV
Guenes respunt : « Pur mei n’iras tu mie.-.
« Tu n’les mis hum ne jo ne sui tis sire..
« Carles cumandet que face sun servise :
« En Sarraguce en irai à Marsilie ;
« Einz i ferai un poi de legerie
303. Blialt. C’est un vêtement qui se porte en guerre sous la tunique de mailles, et en paix sous le manteau de fourrure. « On conserve au musée de Munich un bliaud des premières années du XIe siècle qui passe pour avoir appartenu à l’empereur Henri II. Il est de soie blanche damassée, bordé à toutes ses ouvertures d’une autre soie brochée dont la couleur.paraît
