« D’or e d’argent quatre cenz muls trussez,
« Cinquante cares que carier ferez ;
« Tant i avrat de besanz esmerez
« Dunt bien purrez voz soldeiers luer.
" En cest païs avez estet asez,
« En France ad Ais bien repairier devez ;
" Là vus sivrat, go dit mis avoez.
« Si recevrat la lei que vus tenez ;
« Juintes ses mains, iert vostre cumandez :
« De vus tiendrai Espaigne le règnet. »
Li Emperere en lent ses mains vers Dieu ;
Baisset sun chief. si cumencet à penser. Aoi.
X
Li Emperere en tint sun chief enclin ;
De sa parole no.fut mie hastifs,
Sa. custume est qu’il parolet à leisir,
Quant se redrecet, mult par ont fier le vis.
Dist as messages : « Vus avez mult bien dit.
« Li reis Marsilies est mult mis enemis.
" De cez paroles que vus avez ci dit
« En quel mesure en purrai estre fiz ?
« — Par bons ostages, » ço dist li Sarrazins,
« Dunt vus avrez O dis O quinze O vint.
« Par num d’ ocire i métrai un mien filz,
« E si’n avrez, ço quid, de plus gentilz.
« Quant vus serez el’ palais seignurill,
« À la grant feste seint Michiel de l’ Peril,
« Mis avoez là vus sivrat, ço dit,
« Enz en voz bainz que Deus pur vus i fist ;
ce Là vuldrat il chrestiens devenir. »
Carles respunt : « Uncor purrat guarir. » Aoi.
XI
Bels fut li vespres e li soleilz fut clers.
Les dis muiez fait Carles establer.
El’ grant vergier fait li Reis tendre un tref ;
