L’osberc desclot jusque par sum le ventre.
Deus le guarit que mort ne l’ acraventet.Aoi.
CCCXVI
Ço veit Tierris que el’ vis est feruz :
3925 Li sanc tuz clers en chiet el’ pret herbut :
Fiert Pinabel sur l’helme d’acier brun,
Jusqu’à F nasel li ad frait e fendut,
De l’ chief li ad le cervel espandut ;
Brandit sun colp, si l’ad mort abatut.
3930 A icest colp est li esturs vencuz.
Escrient Franc : « Deus i ad fait vertut.
« Asez est dreiz que Guenes seit penduz
« E si parent ki plaidiet unt pur lui. » Aoi.
CCCXVII
Quant Tierris ad vencue sa bataille,
3935 Venuz.i est li emperere Caries,
Ensembl’od lui de ses baruns sunt quatre,
Naimes li dux, Ogiers de Danemarche,
Gefreiz d’Anjou e Willalmes de Blaive.
Li Reis ad pris Tierri entre sa brace,
3940 Tert lui le vis od ses granz pels de martre.
Celes met jus ; pois, li afublent altres ;
Mult suavet le chevalier desarment,
Munter l’unt fait une mule d’Arabe.
Repairet s’en à joie e à barnage.
3945 Vienent ad Ais, descendent en la place.
Dès or cumencet l’ocisiun des altres. Aoi.
CCCXVIII
Caries apelet ses cuntes e ses dux :
« Que me loez de cels qu’ai retenuz ?
« Pur Guenelun èrent à plait venut,
3950 « Pur Pinabel en ostage rendut. »
Respundent Franc : « la mar en vivrat uns : »
