LE CHATIMENT DE GANELON
CCXCVIII
3705 Li Emperere est repairiez d’Espaigne
E vient ad Ais, à l’ meillur sied de France.
Muntet el’ palais, est venuz en la sale.
As li venue, Alde, une bele dame.
Ço dist à F Rei : « U est Rollanz li catanies,
3710 « Ki me jurat cume sa per à prendre ? »
Caries en ad e dulur e pesance,
Pluret des oilz, tiret sa barbe blanche : -
« Soer, chere amie, d’ hume mort me demandes.
« Jo t’en durrai mult esforciet escange :
3718 « Ç’ est Loewis, mielz ne sai jo qu’en parle :
« Il est mis filz e si tiendrat mes marches. »
Alde respunt : « Cist moz mei est estranges.
« Ne placet Deu ne ses seinz ne ses angles
« Après Rollant que jo vive remaigne ! »
3720 Pert la culur, chiet as piez Carlemagne,
Sempres est morte. Deus ait mercit de l’anme !
Franceis barun en plurent ; si la pleignent. Aoi.
CCXCIX
Alde la bele est à sa fin alée.
Quidet li Reis qu’ele se seit pasmée ;
3725 Pitiet en-ad, si ’n pluret l’Emperere :
Prent la as mains, si l’ en ad relevée ;
Sur les espalles ad la teste clinée.
Quant Carles veit que morte l’ad œuvée,
Quatre cuntesses sempres i ad mandées ;
3730 Ad un mustier de nu neins est portée :
3705. Li Emperere est repairiez d’Espaigne. L’épisode de la belle Aude, qui a dû être, suivant nous, l’objet d’un chant lyrique antérieur à notre poème,
