CCLXXXIX
Mult est vassals Carles de France dulce ;
3580 Li Amiralz il ne l’ crient ne ne dutet :
« Mort as mun filz, dist Baliganz adunques,
« E mun païs à grant tort me calunges.
" Devien mis hum, en fieu te le rendrumes. »
Cez lur espées tutes nues i mustrent :
Sur cez escuz mult granz colps s’entredunent,
Trenchent lès quirs e cez fuz ki sunt duble ;
Chiedent li clou, se peceient les bucles ;
3585 Pois fièrent il nud à nud sur lur brunies.
Des helmes clers li fous en escarbunet.
Ceste bataille ne poet remaneir unkes,
Jusque li uns sun tort i reconoisset. Aoi.
CCXC
Dist l’Amiralz :« Carles, kar te purpense ;
3590 « Si pren cunseill que vers mei te repentes.
« Mort as mun filz par le mien escientre :
« A mult grant tort mun païs me calenges.
" Devien mis hum, en fieu te le voeill rendre :
« Vien me servir, d’ici qu’en Oriente. »
3595 Carles respunt : « Mult grant viltet me semblet ;
« Pais ne amur ne dei à paien rendre.
" Receif la lei que Deus nus aprésentet,
« Chrestientet, e jo t’ amerai sempres ;
" Pois, serf e crei le Rei omnipotente. »
3600 Dist Baliganz : « Malvais sermun cumences. »
« Mielz voeill murir de l’espée ki trenchet. » Aoi.
CCXCI
Li Amiralz est mult de grant, vertut :
Fiert Carlemagne sur. l’helme d’acier brun ;
Desur la teste li ad frait e fendut ;
3605 Met li l’espée sur les chevels menuz,
