L’une meitict l’en fruisset d’une part,
A l’ brant d’acier l’en trenchet cinc des laz :
3435 Li capeliers un denier ne li valt ;
Trenchet la coife entresques à la carn,
Jus à la tere une pièce en abat.
Granz fut li colps, li dux en estonat,
Sempres caïst, se Deus ne li aidast ;
3440 De sun destrier le col en enbraçat.
Se li païens une feiz recuvrast,
Sempres fust morz li nobilies vassals.
Caries de France i vient, ki F succurrat.Aoi.
CCLXXIX
Naimes li dux tant par est anguissables,
3445 E li paiens de férir mult le hastet.
Caries li dist : « Culverz ; mar le baillastes.
Vait le férir par sun grant vasselage,
L’escut li freint, contre le coer li quasset,
De sun osberc li desrumpt la ventaille ;
Sun grant espiet par roi le cors li passet
3450 Que mort l’abat : la sele en remeint guaste.Aoi.
CCLXXX
Mult ad grant doel Carlemagnes li reis,
Quant duc Naimun veit naffret devant sei,
Sur l’herbe verte le sanc tut cler cadeir.
Li Emperere li ad dit à cunseill : -
3455 « Bels sire Naimes, kar chevalchiez od mei.
« Morz est li gluz k’ en destreit vus teneit,
« El’ cors li mis mun espiet une feiz. »
Respunt li Dux : « Sire, jo vus en crei.
3434. Cinc des laz. M. Viollet-le-Duc, en son Dictionnaire, du mobilier, dit avoir vu, sur un beaume du XIIe siècle, plusieurs trous qui devaient servir à faire passer les lacs qui fixaient le heaume au capuchon de mailles. =
