Prent sun escut e sun espiet trenchant.
3115 Gent ad le cors, gaillart e bien seant,
Cler le visage e de bon cuntenant.
Pois, si chevalchet mult afichéement.
Sunent cil graisle e derière e devant :
Sur luz les altres bundist li olifant.
3120 Plurent Franceis pur pitiét de Rollant.Aoi.
CCLVII
Mult gentement F Emperere chevalchet :
Desur sa brunie fors ad mise sa barbe.
Pur sue amur altretel funt li altre :
Cent milie Franc en sunt reconoisable.
3125 Passent cez puis e cez roches plus haltes,
Cez vals parfunz, cez destreiz anguisables :
Issent des porz e de la tere guaste,
Devers Espaigne sunt alet en la Marche ;
En roi un plain il unt pris lur estage...
3130 À Baligant repairent ses enguardes ;
Uns Sulians li ad dit sun message :
« Veüt avum cest orgoillus rei Carle ;
« Fier sunt si hume, n’unt talent qu’il li faillent.
« Adubez vus : sempres avrez bataille. »
3135 Dist Baliganz : « Or oi grant vasselage.
« Sunez voz graisles, que roi paien le sachent. »Aoi.
CCLVIII
Par tute l’ost funt lur taburs suner
E cez buisines e cez graisles mult clers.
Paien descendent pur- lur cors aduber.
3140 Li Amiralz ne se voelt demurer :
Vest une brunie dunt li par sunt safret,
Lacet sun helme ki ad or est gemmez ;
Pois, ceint s’espée à l’ senestre costet.
Par sun orgoill li ad un num œuvet ;
