De tels baruns qu’asez unt vasselage :
Aleman sunt e si sunt de la Marche.
Vint milie sunt, ço dient luit li altre.
3040 Bien sunt guarnit e de chevals e d’armes :
la pur murir ne guerpirunt bataille.
Si ’s guieral Hermans, li dux de Trace :
Einz i murrat que cuardise i facet. Aoi.
CCL
Naimes li dux e li quens Jozerans
3045 La quinte eschiele unt faite de Normans :
Vint milie sunt, ço dient tuit li Franc ;
Armes unt beles e bons chevals curanz ;
la pur murir cil n’ièrent recreant ;
Suz ciel n’ ad gent ki durer poissent tant.
3050 Richarz li vielz les guierat el’ camp :
Il i ferrât de sun espiet trenchant. Aoi.
CCLI
La siste eschiele unt faite de Bretuns :
Quarante milie chevaliers od els unt ;
Icil chevalchent en guise de baruns,
3055 Dreiles lur hanstes, fermez lur gunfanuns.
Le seignur d’els apelet hum Oedun :
Icil cumandet le cunte Nevelun,
Tedbald de Reins e le marchis Otun :
« Guiez ma gent ; jo vus en faz le dun. »
Li treis respundent :« Vostre cumant ferum. »Aoi.
CCLII
3060 Li Emperere ad sis eschieles faites :
Naimes li dux pois eslablist la sedme
De Peitevins e des baruns d’Alverne.
Quarante milie chevalier poedent estre ;
