Carles li reis en ad prise sa barbe-,
Si li remembret de F doel e de l’ damage
Qu’en Rencesvals reçut en la bataille.
Mult fièrement tute sa gent reguardet ;
2985 Pois, si s’escriet à sa voiz grant e halte :
« Baruns franceis, as chevals e as armes ! » Aoi.
CCXLV
Li Emperere tut premereins s’adubet :
Isnelement ad vestue sa brunie,
Lacet sun helme, si ad ceinte Joiuse.
2990 Ki pur soleill sa clartet nen escunset ;
Pent à sun col un escut de Girunde,
Tient sun espiet ki fut fais à Blandune,
En Tencendur sun bon cheval pois muntet
(Il le cunquist es guez desuz Marsune ;
2995 Si ’n getatmort Malpalin de Nerbune) ;
Laschet la resne, mult suvent l’esperunet,
Fait sun eslais veant trente milie humes :
Recleimet Deu e l’apostle de Rume.
Après cest mot n’ad paür de cunfundre ;
E Franceis dient : « Tels deit porter curune. »Aoi.
CCXLVI
Par tut le camp cil de France descendent,
3000 Plus de cent milie s’en adubent ensemble ;
Guarnemenz unt ki bien lur atalentent,
Chevals curanz e les armes mult gentes ;
Cil gunfanun sur les helmes lur pendent.
Pois, sunt muntet e unt grant escience.
3005 S’il troevent o, bataille quident rendre.
Quant Carles veit si beles cuntenances,
Si ’n apelat Jozeran de Provence,
Naimun le duc, Antelme de Maience :
« En tels vassals deit hum aveir fiance ;
3010 « Asez est fols ki entr’els se dementet.
