« Vengier te poes de la gent criminel. »
A icel mot l’Emperere est muntez. Aoi.
CCX
Pur Carlemagne fist Deus vertut mult grant :
Kar li soleilz est remés en estant.,
Paien s’en fuient, bien les encalcent Franc ;
El’ Val-Tenebres, là les vunt ateignant ;
Vers Sarraguce les encalcent ferant,
A colps pleniers les en vunt ociant,
Tolent lur veies e les chemins plus granz.
L’ewe de Sebre (ele lur est devant),
Mult est parfunde, merveilluse e curant ;
Il n’i ad barge no drodmund ne caland.
Paien reclciment Mahum e Tervagant ;
E Apollin, que lur seient aidant.
Pois, saillent enz, mais il n’i unt guarant.
Li adubet en sunt li plus pesant,
Envers le funz s’en turnèrent alquant,
Li altre en vunt encontreval flotant,
Li mielz guarit en ont bout itant,
Tuit sunt neiet par merveillus ahan.
Françeis escrient : « Mar veïstes Rollant ! »Aoi.
CCXI
Quant Carles veit que tuit sunt mort paien,
Alquant ocis e li plusur neiet ;
(Mult grant eschec en unt si chevalier),
Li gentilz reis descenduz est à pied,
Se culchet à tere, si ’n ad, Deu graciet.
Quand il se drecet, li soleilz est culchiez.
Dist l’Emperere : « Tens est de l’ herbergier,
« En Rencesvals est tart de l’ repairier.
2458. Pur Carlemagne, etc. Ce vers était, pour ainsi parler, devenu presque proverbial. Nous lisons dans Otinel (XIIIe siècle) : Kalle que Dex parama
