Cleimet sa culpe e menut e suvent.
Pur ses pecchiez Deu puroffrit le guant :
Le Angle Deu le pristrent erraument.Aoi.
CCV
Ço sent Rollanz de sun tens n’i ad plus ;
Devers Espaigne gist en un pui agut.
A l’ une main si ad sun piz batut :
« Deus ! meie culpe par l’a tue vertut,
« De mes pecchiez, des granz e des menuz,
« Que jo ai fait dès l’ure que nez fui
« Tresqu’à cest jur que ci sui consoüz ! »
Sun destre guant en ad vers Deu tendut :
Angle de l’ ciel i descendent à lui.Aoi.
CCVI
Li quens Rollanz se jut desuz un pin :
Envers Espaigne en ad turnet sun vis...
De plusurs choses à remembrer li prist :
De tantes teres que li ber ad cunquis,
De dulce France, des humes de sun lign,
De Carlemagne, sun seignur, ki l’ nurrit,
E des Franceis dunt il esteit si fiz.
Ne poet muer n’en plurt e ne suspirt.
Mais lui meïsme ne voelt mètre en ubli ;
Cleimet sa culpe, si priet Deu mercit :
« Veire paterne, ki unkes ne mentis,
« Seint Lazarun de mort resurrexis
« E Daniel des leuns guaresis,
« Guaris de mei l’anme de tuz perilz
« Pur les pecchiez que en ma vie fis ! »
Sun destre guant à Deu en puroffrit,
2384. Veire Paterne. Dans sa savante Étude sur les Sarcophages chrétiens antiques de la ville d’Arles (Paris, Impr. nationale, 1878, p. 39), M. Edmond le Blant a rapproché ces vers d’un grand nombre de textes des liturgies primitives et de monuments figurés des IVe et Ve siècles : « Ce qui semble dominer dans le cycle des représentations figurées sur les tombes
