CCIII
Rollanz ferit en une pierre bise :
Plus en abat que jo ne vus sai dire.
L’espée cruist, ne fruissel ne, ne briset,
Cuntre le ciel amunt est. resortie.
Quant veit li Quens que ne la freindrat mie,
Mult dulcement la pleinst à sei meïsme :
« E ! Durendal, cum les bele e seintisme !
« En l’orie punt asez i ad reliques :
« Un dent seint Pierre e de l’ sanc seint Basilie,
« E des chevels mun seignur seint Denise ;
« De l’ vestement i ad seinte Marie.
« Il nen est dreiz que païen te baillisent :
« De chrestiens devez estre servie.
« Multes batailles de vus avrai fenies,
« Mult larges teres de vus avrai cunquises
« Que Carles tient, ki la barbe ad flurie,
« E l’ Emperere en est e ber e riches.
« Ne vus ait hum ki facet cuardie !
« Deus, ne laissier que France en seit hunie ! "Aoi.
CCIV
Ço sent Rollanz que la mort l’entreprent :
Jus de la teste sur le coer li descent.
Desuz un pin i est alez curant,
Sur l’herbe verte s’i est culchiez adenz ;
Desuz lui met s’espée e l’olifant.
Turnat ’sa teste vers la paierie gent :
Pur ço l’ad fait que il voelt veirement
Que Carles diet e trestute sa gent,
Li gentilz quens, qu’il fut morz cunquerant.
2345. En l’orie punt asez i ad, reliques. « Dans ton pommeau se trouvent un morceau de dent de saint Pierre, du sang de saint Blaise et des cheveux de saint Denis. » (Keiser Karl Magnus’s kronike.) = L’énumé-
