Li uns ne voelt l’altre nient laissier.
En la grant presse i fièrent as paiens.
Mil Sarrazin i descendent à pied,
E à cheval sunt quarante millier.
Mien escientre, ne ’s osent aproismier.
Il lancent lur e lances e espiez,
Wigres e darz, e museraz e atgiers.
As premiers colps i unt ocis Gualtier,
Turpin de Reins tut son escut perciet,
Quasset sun helme ; si l’ unt naffret el’ chief,
E sun osberc rumput e desmailiet,
Par roi le cors naffret de quatre, espiez ;
Dedesuz lui ocient sun destrier.
Or est granz doels quant l’Arcevesques chiet.
Deus les aïut, li Glorius de l’ ciel !Aoi.
CLXXXIII
Turpins de Reins, quant se sent abatuz,
De quatre espiez par roi le cors feruz,
Isnelement li ber resailit sus ;
Rollant reguardet, pois si li est curuz,
E dist un mot : « Ne sui mie vencuz ;
« la bons vassals nen iert vifs recreüz. »
Il trait Almace, s’espée d’acier brun,
En la grant presse mil colps i fiert e plus.
Pois le dist Carles qu’il n’en espargnat nul
Tels quatre cenz i œuvat entur lui,
Alquanz naffrez, alquanz par roi feruz ;
Si ont d’icels ki les chiefs unt perdut.
Ço dist la Geste e cil ki el’ camp fut,
2075. Wigres e darz, e museraz e atgiers. Ce sont là différentes espèces de flèches ou javelots. = D’après le P. Daniel (en son Histoire de la milice française), les materas étaient de gros javelots courts, à bois très épais, et terminés par une lourde masse ronde de fer ou de plomb. Mais on ne saurait assimiler les materas aux museraz. -Nous avons dit ailleurs (note du v. 439) ce que c’était qu’un atgier, et comment ce mot est d’origine saxonne.
2089. Almace. Almace est une des trois épées que le juif Malakin d’Ivin
