E si recleimet Rollant qu’il li aïut :
« Gentilz quens, sire, vaillant hum, ù les tu ?
« Unkes nen oi pour là ù tu fus.
« Ço est Gualtiers ki cunquist Maëlgut,
« Li niés Droün, à l’ vieill e à l’ canut.
« Pur vasselage suleie estre tis druz.
« As Sarrazins me sui tant cumbatuz
« Ma hanste est fraite e perciez mis escuz,
« E mis osbercs desmailiez e rumpuz.
« Par roi le cors de lances sui feruz : ’
« Sempres murrai, mais chier me sui venduz. »
A icel mot l’ad Rollanz coneüt ;
Le cheval brochet, si vient puignant vers lui. Aoi.
CLXXX-
« Sire Gualtiers, » ço dist li quens Rollanz,
« Bataille oüstes od la paiene gent :
« Vus suiez estre vassals e cumbatant,
« Mil chevaliers en menastes vaillanz.
« lèrent à mei ; pur ço vus les demant.
« Rendez les mei, que bosuing en ai grant. »
Respunt-Gualtiers : « N’en verrez un vivant.
« Laissiez les ai en cet dulurus camp.
« De Sarrazins nus i œuvasmes tanz,
« Turcs eErmines, Canelius e Jaianz,
« Cels de Balise, des meillurs cumbatanz,
« Sur lur chevals arrabiz e curanz ;
« Une bataille avum faite si grant
« N’i ad paien devers altre s’en vant.
« Seisante milie en i ad morz gisanz.
« Vengiez nus sumes à noz acerins branz.
« Avum iloec perdut trestuz noz Francs ;
« De mun osbere en sunt rumput li par ;
2047 Gualtiers. Dans la Keiser Karl Màgmis’s kronike, Gautier est appelé Velter ; et est présenté comme le « frèro de la sœur » de l’Archevêque : = Maël
