Tant ad seiniet, li oil li surit trublet :
Ne loinz ne près ne poet vedeir si cler
Que reconoisse nisun hume mortel.
Sun cumpaignun, cum il l’ad encontret,
Si F fiert amunt sur l’helme ad or gemmel ;
Tut li detrenchet d’ici que à F nasel ;
Mais en la teste ne l’ ad mie adeset.
A icel colp l’ ad Rollanz reguardet,
Si li demandet dulcement e suef :
« Sire cumpainz, faites le tus de gret ?
« Jo sui Rollanz, ki tant vus soelt amer ;
« Par nule guise ne m’avez desfiet. »
Dist Oliviers : « Or vus oi jo parler ;
« Jo ne vus vei : veiet vus damnes Deus !
« Ferut vus ai ; kar le me pardunez. »
Rollanz respunt : " Jo n’ai nient de mel.
« Jo l’ vus parduins ici e devant Deu. »
A icel motl’uns à F altre ad clinet ;
Par tel amur as les vus desevret.Aoi.
CLXXVII
Oliviers sent que la mort mult l’anguisset :
Ambdui li oil en la teste, li turnent,
L’oïe pert e la veüe tute ;
Descent à pied, à la tere se culchet,
Forment en halt si recleimet sa, culpe ;
Cuntre le ciel ambesdous ses. mains juintes
Si preiet Deu que pareïs li dunget
E beneïet Carlun e Francedulce,
Sun cumpaignun Rollant desur tuz humes.,
Li coers li falt, li helmes li embrunchet,
Trestuz li cors à la tere li justet.
Morz est li Quens, que plus ne se demuret.
Rollanz li ber le pluret, si l’ duluset ;
Jamais en tere n’orrez plus dolent hume. Aoi.
2023. Jamais en tere, etc. Les Remaniements de Paris et de Lyon nousoffrent ici un incident qui n’était évidemment pas dans le texte primitif. Il
