Ço dist li Quens : « Or sai jo veirement
« Que hoi murrum par le mien escient.
« Ferez, Franceis : kar jo F vus recumenz. "
Dist Oliviers : « Dehet ait li plus lenz ! »
A icest mot, Franceis se fièrent enz. Aoi.
CLXXII
Quant paien virent que Franceis i ont poi,
Entr’ els en unt e orgoill e cunfort ;
Dist l’uns à l’ altre : « Li Emperere au tort. »
Li À Igalifes sist sur un cheval sor.
Brochet le bien des esperuns ad or ;
Fiert Olivier derere, en roi le dos,
Le blanc osberc li ad desclos el’ cors,
Parmi le piz sun espiet li mist fors ;
E dist après : « Pris avez mortel colp.
« Carles li magnes mar vus laissat as porz.
« Tort nus, ad fait, nen est dreiz qu’il s’en lot ;,
« Kar de vus sul ai bien vengiet les noz. » Aoi.
CLXXIII
Oliviers sent que à mort est feruz, ,
De lui vengier targier ne se voelt plus.
Tient Halteclere, dunt li aciers fut brun :
Fiert l’Algalife sur l’ helme ad or agut,
E flurs e pierres en acraventet jus,
Trenchet la teste d’ici qu’as denz menuz,
Brandist sun colp, si l’ad mort abatut ;
E dist après : « Paiens, mal aies tu !
« Iço ne di Carles n’i ait perdut.
« Ne à muillier n’à dame qu’as veut
« N’en vanteras el’ règne dunt tu fus
« Qu’à Carlun aies un sul denier tolut,
