CLXVIII
Hum ki ço set que ja n’avrat prisun
En tel bataille fait grant defensiun :
Pur ço sunt Franc si fier cume leun.
As vus Marsilie en guise de barun ;
Siet el’ cheval qu’il apelet Guaignun ;
Plus est isnels que nen est uns falcun :
Brochet le bien, si vait férir Bevun,
(Icil ert sire de Belne e de Digun),
L’escut li freint e l’osberc li derumpt,
Que mort l’abat seinz altre escundisun ;
Pois, ad ocis Ivoerie e Ivun,
Ensembl’ od els Gerart de Russillun.
Li quens Rollanz ne li est guaires loinz ;
Dist à l’ paien : « Damnes Deus mal te duinst !
« A si grant tort m’ociz mes cumpaignuns,
« Colp en avras, einz que nus départium,
« E de m’ espée encoi savras le num. "
Vait le férir en guise de barun,
Trenchiet li ad li Quens le destre puign ;
Pois prent la teste de Jurfaleu le blund :
Icil ert filz à l’ rei Marsiliun.
Paien escrient : « Aïe nus, Mahum ;
« Li nostre deu, vengiez nus de Carlun.
« En ceste tere nus ad mis tels feluns
" la pur murir le camp ne guerpirunt. "
Dist l’uns à l’ altre : " E ! kar nus en fuium ! »,
A icest mot tel cent milie s’en vunt :.
Ki qués rapelt, ja n’en returnerunt.Aoi.
CLXIX
Li reis Marsilies le puign destre ad perdut.
Encontre tere pois getet sun escut,
1895. Ivoerie e Ivun. D’après Gauiiey (v. 88), Ivon et Ivoire sont fils du roi Othon, qui lui-même est le sixième fils de Doon de Mayence. US sont comptés au nombre des Pairs par la Chanson de Roland, Gui de
